30.01.2017

Maarifləndirmə  tədbirləri.

            2016/2017-ci  tədris  ilində  Respublikanın  ümumtəhsil  məktəblərinin  IX  siniflərində  buraxılış  imtahanlarının  forma  və  məzmun  etibarilə  “ Ümumi  təhsili  həyata  keçirən  təhsil  müəssisələrində  ümumi  orta  təhsil  səviyyəsində  ümumtəhsil  fənləri  üzrə  təhsilalanların  yekun  attestasiyasında  yeniliklər” ə  uyğun  keçiriləcəyini  nəzərə  alaraq, Qusar  Rayon  Təhsil  Şöbəsi  Təhsil  Nazirliyinin  tövsiyələrinə  uyğun  olaraq  zəruri  maarifləndirmə  tədbirləri  həyata  keçirmişdir. Müdiryanı  müşavirələrdə  RTŞ  əməkdaşlarına  müvafiq  göstərişlər  verilmiş,  RTŞ-nin 28  dekabr  2016-cı  il  tarixində  keçirilmiş  şura  iclasında  ümumi  təhsil  müəssisələrinin  direktorları və təlim-tərbiyə  işləri  üzrə  direktor  müavinləri  IX  siniflərdə  buraxılış  imtahanlarının keçirilməsinin yeni  qaydaları  ilə  tanış  edilmiş, məktəb  rəhbərlərinə    pedaqoji  kollektivlərin  üzvlərinə, şagirdlərə və valideynlərə   yeni qaydalar barədə məlumat vermək tapşırılmış, 25-26 yanvar  tarixlərində T.İsmayılov  adına  şəhər 6  saylı  tam  orta  məktəbində  buraxılış  imtahanlarının 1-ci  mərhələsində  Azərbaycan  dili  və riyaziyyat  fənləri  üzrə  yeni  tipli  suallar ( açıq  testlər), həmin  testlərin  həlli  yolları  ilə  bağlı təqdimatlar  həyata  keçirilmiş, RTŞ metodistləri  tərəfindən  fənn  müəllimlərinə  müvafiq  tövsiyələr  verilmişdir.

             Seminarlarda  iştirak  edən  müəllimlər  imtahanların    1-ci mərhələsi  üçün  ayrılan  vaxtın  2 saat   30  dəqiqə  əvəzinə  3 saat  olmasını, Azərbaycan  dili  fənni  üzrə  təklif  olunan  mətnlərin   həcminin  azaldılmasını  təklif  etmişdir.


Açar sözlər: